ПРЕДИЗВИК
Креатива за поттикнување на купувањето македонски ќерамиди Винеам за време на акцијата „Викенд без ДДВ“.
РЕШЕНИЕ
Креативата е базирана на слоганот: КОГА ЌЕ СЕ СКЛОПАТ КОЦКИТЕ. Во случајов, станува збор за „склопување“ на коцките од три страни: (1) има луѓе на кои им се потребни ќерамиди за нов покрив или за реновирање на покрив, (2) Винеам е квалитетна, природна, македонска ќерамида, (3) која за време на Викенд без ДДВ може да се купи и со тоа значајно да се заштеди. Значи, викендот од 10 до 12 е времето кога ваквата поставеност на „коцките“ треба да се искорити и да се купат ќерамидите за новиот покрив или новата куќа и притоа квалитетно да се заштеди. Дизајнот го надополнува слоганот, со визуелното прикажување на 3 во 1 придобивките за време на Викенд без ДДВ во форма на Рубикова коцка, со што се истакнува неизмерното задоволство што секој го има кога ќе доживее „да (му) се склопат коцките“.